Skuadra e Arsenalit humbi një ndeshje tepër të rëndësishme në garën për një vend që dërgon në Ligën e Kampionëve sezonin e ardhshëm.
Gunners u mposhtën në Selhust Park kundër Crystal Palace me rezultat 3-0, në një ndeshje për t’u harruar.
E kjo nuk ishte humbja e vetme për trajnerin Mikel Arteta, pasi që ai nuk do të mund të llogarisë në mbrojtësin e krahut Kieran Tierney për pjesën e mbetur të sezonit. E përveç skocezit, mbrëmjen e së hënës u lëndua edhe mesfushori Thomas Partey, i cili nuk pritet të paraqitet këtë edicion po ashtu.
Kualifikimi për në Ligën e Kampionëve, do t’i mundësonte teknikut spanjoll përveç të tjerash nënshkrimin me futbollistë të kalibrit të lartë.
