Publicisti i njohur shqiptar, Kim Mehmeti, i ka komentuar zhvillimet politike në Kosovë.
Ai thotë se shteti ynë po përballet me dy mendësi poetike
“Në Kosovë përballen ashpër dy koncepte, ai i Vetëvendosjes, i cili thotë se mua më votojnë dhe mua më takon çdo gjë dhe koncepti tjetër që e shikon shtetin si biznes. Kosovën e shikojnë si lopë dhe ata kanë hisen e tyre, qumështi u takon atyre, maza u takon atyre, kosi u takon atyre. Në këto rrethana, kemi një shtet jo-funksional”, ka thënë Kim Mehmeti në emisionin “Këndi i Debatit” në Tëvë 1.
Shkrimtari i njohur shqiptar nga Maqedonia e Veriut, vlerëson se në Kosovë dhe Shqipëri investohet shumë që të kemi shtete jo-funksionale.
“Në përgjithësi, investohet shumë të dëshmohet se shqiptarët nuk mund të bëjnë shtete funksionale. Investohen thasë me para që ne mos të kemi shtete funksionale”, deklaroi Kim Mehmeti.
