Këtu te vendi i quajtur “Shkëmbi i Dudës”, ka mbetur edhe barrikada e fundit.
Janë këta dy kamionë mbi këtë urë, që u dogjën mëngjesin e 29 dhjetorit.
“Misioni i KFOR-it po kryen operacione inxhinierike në veri të Kosovës për të hequr disa automjete të bllokuara në rrugë dhe për ta rikthyer lirinë e lëvizjes në përputhje me mandatin e tij të OKB-së”, thuhet në njoftimin e KFOR-it.
Por, për largimin e dy kamionëve këtu, nuk u panë vetëm ekipet e KFOR-it.
Në vendngjarje ishin edhe ekipet e policisë së EULEX-it, ata të UNMIK-ut, pjesëtarë të Karabinierit Italian si dhe Policia e Kosovës.
Fillimisht, kamionët u inspektuan nga ekipet e deminimit.
E më pas, u provua edhe ndezja e tyre.
Por, meqë kjo metodë nuk funksionoi, atëherë ekipet e KFOR-it fryn gomat e kamionëve.
Ndërsa gjatë gjithë kohës që këto ekipe po punon këtu, situata po monitorohej edhe nga larg.
E nuk mungonin as patrullat në këmbë.
Të martën qarkullimi mbi këtë urë nuk ishte i mundshëm as në këmbë.
Ndërkohë pas disa orëve përpjekje, kamioni i parë filloi të lëvizë.
Ky u tërhoq nga ura nga ekipet e KFOR-it, ndërsa ngarkesa prej dheut, iu largua me mjete të rënda.
Ndërkohë radha i erdhi edhe kamionit të dytë.
Pas disa orëve në të njëjtën mënyrë, edhe kamioni i fundit i barrikadave u largua nga ura.
Në këtë formë, të mbrëmjen e së martës ura mbi lumin Ibër që lidh Mitrovicën Veriore me pikën kufitare në Jarinjë, u lirua nga barrikadat.
Këto të fundit ishin vendosur me 10 dhjetor si shenjë proteste për arrestimin e ish-policit serb, Dejan Pantiq, ndërsa bllokuan rrugët e veriut për 20 ditë.
Kronika e gazetarit Fidan Zejnullahu.
