Prokuroria e Posaçme Antikorrupsion (SPAK) ka mbyllur hetimet dhe ka dërguar për gjykim 44-vjeçarin nga Rusia Vladislav Urban i akuzuar për veprën penale “kanosje për kryerjen e veprave me qëllime terroriste”.
Sipas SPAK, në shkurt të vitit 2023 Vladislav Urban ka dërguar një e-mail në adresën e Shefit Operacional të Rinasit, ku kërcënonte me shpërthimin e një bombe nëse qeveria Shqiptare nuk njeh Kosovën si Serbi, si edhe pretendonte të kishte marrë peng 2 shqiptarë, raportojnë mediat shqiptare.
Nga hetimi i rastit rezultoi se e-maili ishte dërguar nga 44-vjeçari, rezident në Selanik.
Pas shkëmbimit të informacionit me palën greke dhe kontrollit, rezultoi se Urban nuk kishte marrë njeri peng, ndërsa kishte edhe precedentë të mëparshëm në dërgimin e Shefit Operacional të Rinasit.
