Vetëm tre top-sulmues botëror janë para Vedat Muriqit në listën e realizatorëve më të mirë aktualisht.
Me 30 gola për Bayernin, anglezi Harry Kane ka 60 pikë në garën për “Këpucën e Artë”.
Kylian Mbappe ka 23 gola për Real Madridin dhe 46 pikë në garën për “Këpucën e Artë” të futbollit evropian.
Erling Haaland i Manchester Cityt ka 22 gola, përkatësisht 44 pikë në këtë garë për shënuesin më të mirë në Evropë.
Dhe, menjëherë pas tyre është Vedat Muriqi i Mallorcas me 18 gola, përkatësisht 36 pikë të tubuara deri më tani.
Sulmuesi i Kosovës po shkëlqen këtë sezon te Mallorca, ku vetëm tri gola është larg për t’u bërë golashënuesi më i mirë në historinë e këtij klubi.
Në top-liga, koeficienti për gol të shënuar është 2, ndërsa ligat tjera të Evropës kanë koeficient më të ulët.
