Një aksident trafiku ka ndodhur të martën në qendër të Prishtinës, ku një këmbësor është goditur nga një automjet teksa po kalonte në vendkalimin për këmbësorë, pranë objektit të Komunës së Prishtinës.
Pamjet nga vendi i ngjarjes tregojnë se në lokacion kanë dalë njësitë e Policisë së Kosovës, ndërsa aty janë mbledhur edhe qytetarë të shumtë.
Deri më tani nuk janë bërë të ditura rrethanat në të cilat ka ndodhur aksidenti, ndërsa nuk dihet as gjendja shëndetësore e këmbësorit të lënduar.
Tëvë1 ka kontaktuar Policinë e Kosovës për të marrë detaje lidhur me rastin, por deri në momentin e publikimit të lajmit nuk ka pranuar përgjigje.
Lajmi do të përditësohet sapo të ketë informacione të reja nga autoritetet.
