Komisioni Evropian demantoi se presidenti serb, Aleksandar Vuçiq pati një “bisedë të gjatë” me presidenten e Komisionit Evropian, Ursula von der Leyen, në Sevile.
“Presidentja Von der Leyen pati një bisedë të rastësishme, spontane me Presidentin Vuçiq në sallonin e pritjes para darkës zyrtare në Sevile”, tha zëdhënësi i BE-së Stefan de Kersmaeker, duke iu përgjigjur pyetjes së një gazetari në lidhje me deklaratën e Vuçiq për takimin dhe pretendimin se “ata nuk kanë diskutuar kurrë për bashkëpunim dypalësh për kaq gjatë”.
Media pro-regjimit raportoi fjalët e Vuçiq nga Sevila dje se ai “pati një bisedë të gjatë me Ursula von der Leyen, 30 minuta”.
“Ajo pati mundësinë të shkëmbente disa fjalë me shumë udhëheqës gjatë asaj ngjarjeje, përfshirë Presidentin Vuçiç. Prandaj, nuk ishte një takim zyrtar dypalësh”, këmbënguli zëdhënësi i Komisionit Evropian.
