Rajko Krivokapiq është trajneri i ri i skuadrës së basketbollit Vëllaznimi.
Krivokapiq do t’i prijë ekipit nga Gjakova për pjesën e mbetur të edicionit 2025/26.
Ai e zëvendëson Jeronimo Sharinin, i cili u emërua të martën trajner i Golden Eagle Yllit.
Krivokapiq është nga Mali i Zi.
“Klubi ka arritur marrëveshje me trajnerin Rajko Krivokapiq që t’i prijë ekipit në vazhdim të stinorit. Trajneri vjen në Gjakovë pas dy edicioneve të kaluara me ekipin e Podgorica Bemax në Mal të Zi si dhe ABA Liga 2. Në të kaluarën, Krivokapiq ka drejtuar edhe ekipe si Teodo Tivat e Primorje në Mal të Zi, Swiss Central në Zvicër, ndërsa ka qenë edhe selektor i disa prej gjeneratave të reja të Kombëtares malazeze, si dhe ka ushtruar rolin e asistent-trajnerit te Kombëtarja A e Malit të Zi”, shkruan në njoftimin e Vëllaznimit.
Vëllaznimi pas shtatë xhirove të zhvilluara është në pozitën e parafundit në tabelë. Ka një fitore dhe gjashtë humbje.
