Darko Raduloviq më nuk është trajner i Bashkimit, ekip që bën gara në Superligën e Kosovës në basketboll.
Klubi nga Prizreni, të hënën ka bërë të ditur se me marrëveshje të dyanshme ka ndarë rrugët me trajnerin nga Maqedonia e Veriut.
Bashkimi e ka falënderuar Raduloviqin për kontributin, profesionalizimin dhe përshkushtimin e tij gjatë kësaj periudhe, ndërsa ka bërë të ditur se ditëve në vijim do të bëhet i ditur emri i trajnerit të ri.
Raduloviq mori drejtimin e Bashkimit para fillimit të këtij sezoni, ndërsa largimi i tij erdhi dy ditë pas humbjes nga Peja në Prizren.
Nën drejtimin e Raduloviqit, Bashkimi ka regjistruar 9 fitore karshi tri humbjeve dhe pas 14-të xhirove të luajtura në elitën e basketbollit kosovar, renditet në pozitën e dytë në tabelë me 23 pikë, dy më pak se Trepça që është lidere.
