Kastrati theksoi se kjo do të bëjë problem më të madh për ata qytetarë.
“Për mua, do t’ua bëjë më të vështirë lëvizjen dhe qarkullimin. Ende nuk e dimë se qysh është vendosur, por çka bën Serbia për qytetarët e Kosovës, ku ti çdo tre muaj duhet me pas një letër të veçantë. Atë letër nëse e humb të krijon shumë probleme dhe vështirësi. Do të bëj një problem pak ma të madh për ata qytetarë, edhe na nuk do duhej me ua bë atyre më të vështirë me komuniku, me qarkullu me Kosovë, me mundësinë që jetojnë atje, qoftë edhe nëse punojnë e angazhohen këtu”, tha ai në “Info Nata” në Tëvë 1.
Ish-kryetari i Kamenicës theksoi se nëse ky vendim i Qeverisë së Kosovës është një strategji që do ta zgjidhë njëherë e mirë problemin e lëvizjes, nuk e sheh si gabim.
Qeveria e Kosovës ka marrë vendim që t’ua mundësojë regjistrim me tabela të Republikës së Kosovës të gjithë atyre pronarëve të cilët makinat e tyre i kanë me tabelat e vjetra “PR”, “KM”, “PZ”, “GL”, “UR”, “PE”, “DA” apo “ĐA”,.
Dhe një vendim tjetër që është marrë në këtë mbledhje, është që çdo person që paraqitet në kufirin shtetëror të Kosovës me dokument personal të lëshuar nga autoritetet e Serbisë do të pajiset me një dokument (fletë-deklarim) që përkohësisht e zëvendëson përdorimin e një dokumenti të tillë. /Teve1.info/
