Mëngjesin e sotëm është kapluar nga zjarri një banesë në qytetin e Ferizajt. Zjarrfikësit dhe Policia kanë dalë në vendin e ngjarjes. Nga ky incident nuk ka të lënduar, përveç një zjarrfikësi i cili ka marrë lëndime të lehta.
Dritaret gjatë gjithë ditës i lanë të hapura.
Kjo pasi një banesë në afërsi të rrugës “12 Qershori’ në Ferizaj, u kaplua nga zjarri të martën.
Përveç dëmeve materiale nuk ka të lënduar.
Përveç kësaj banese, nga flakët është kapluar edhe një pjesë e banesës tjetër.
Banorët e ndërtesës nuk pranuan të flasin.
Mirëpo pronari i banesës në fjalë tregoi për tëvë1 se në momentin kur ndodhi incidenti ata ishin në gjumë.
I njëjti tha se nuk e dinë arsyen se pse ka ndodhur.
Enver Fazliu, Pronar i banesës
“Nuk dimë asgjë pasi ende nuk kanë dalë me një përfundim nga Policia dhe Zjarrfikësit. Hetimet po vazhdojnë. Krejt çfarë di është se ne kemi qenë në gjumë dhe e kemi dëgjuar një zhurmë dhe e kam parë flakën në ballkon. Falë Zotit jemi në rregull krejt. Për dëme materiale nuk jam duke e pasur dert”, u shpreh pronari i banesës, Enver Fazliu.
Sipas zëdhënësit të policisë për rajonin e Ferizajt, Kanun Veseli, në vendin e ngjarjes kanë dalë nga njësia e hetimeve për procedura hetimore.
Sipas Veselit, gjatë intervenimit që është bërë, lëndime të lehta ka pësuar një zjarrfikës.
