Mbrojtësi i Kombëtares së Kosovës, Amir Rrahmani nuk do të largohet nga skuadra e Napolit në verë, kanë bërë të ditur mediumet italiane të enjten.
Mësohet se drejtuesit e ekipit italian duan ta mbajnë Rrahmanin edhe për edicionin e ardhshëm pasi janë të kënaqur me paraqitjet e tij.
Në fakt, te Napoli kanë filluar t’i bëjnë planet për largimin e lojtarëve në fund të këtij edicioni dhe Rrahmani nuk është pjesë e kësaj liste.
Kapiteni i Kosovës ka kontratë me Napolin deri në vitin 2027 dhe është pjesë e këtij ekipi prej vitit 2020, ndërsa edicionin e shkuar ka fituar titullin e kampionit të Italisë.
Këtë edicion, 30-vjeçari ka regjistruar 35 paraqitje në të gjitha garat për Napolin, ku ka kontribuar edhe me tre gola të shënuar.
