Kandidatja e pavarur për kryetare të Zveçanit, Sllagjana Pantoviq është qytetarja e parë që ka votuar në qendrën më të madhe në këtë komunë.
Kjo ka ndodhur 1 orë e 20 minuta që nga moment kur është hapur kjo qendër, e cila ka ardhur me veturë me targa RKS e shoqëruar nga Policia e Kosovës.
Ajo në një konferencë për media tha se pret që qytetarë të dalin në këto zgjedhje, derisa nuk ka dashur që të komentojë bojkotimin nga Lista Serbe.
Ndryshe siç është bërë e ditur nga KQZ të gjitha qendrat e votimit janë hapur në katër komunat veriore.
Gjithsej janë 19 qendra, ku 6 prej tyre janë të rregullta, ndërsa 13 alternative.
Në Zveçan janë 6 mijë e 998 votues. Kandidatë janë Ilir Peci nga PDK, Sllagjana Pantoviq, kandidate e pavarur dhe Fetah Peci nga LVV.
