“Rezultati i zgjedhjeve në Luginën e Preshevës nëse e shikojmë pak më gjerë është sipas meje njëfarë leksioni jo vetëm për politikanët lokalë atje që duhet të fillojnë atje të sillën më mirë por veçanërisht për Shqipërinë dhe Kosovën që nuk mund të sillen kësisoj dhe ta braktisin Luginën e Preshevës dhe që pastaj kur të vijnë në një situatë të tillë të reagojnë”, ka thënë Kamberi.
Ai më tej ka folur për përkeqësimin e marrëdhënieve midis Kryeministri të Kosovës dhe Kryeministri të Shqipërisë, duke thënë se kjo po ndikon që Lugina e Preshevës të vuaj nga harresa e këtyre dy qendrave.
“Ne ka mbi 20 vite që vuajmë nga harresa nga dy qendrat, nga Tirana dhe Prishtina , tashmë është edhe më keq sepse për shkak të përkeqësimit të marrëdhënieve të Kryeministri të Kosovës dhe Kryeministri të Shqipërisë zotit Kurti dhe zotit Rama, ne po goditemi edhe më shumë nga këto marrëdhënie jo të mira midis tyre por në fund nuk duhet të harrojmë se ka mundur të bëjë një qeveri e vetme nëse nuk kanë mundur që ta bëjnë të dyja në bashkërendim por përderisa ne po flasim sot pra në prill të vitit 2022, Qeveria e Shqipërisë dhe ajo e Kosovës nuk e kanë asnjë forum bashkëbisedimi dhe bashkërendimi se si e shohin politikën e shqiptarëve jashtë kufijve , nuk e kanë asnjë mekanizëm qeveritar, pra në qeverinë e Kosovës dhe ne Qeverinë e Shqipërisë nuk ekziston asnjë koordinator i vetëm e lëre më ndonjë dikaster i vetëm për shqiptarët e rajonit apo për shqiptarët e Luginës së Preshevës dhe nuk ekziston asnjë plan dhe asnjë program për Luginën e Preshevës, dhe pastaj çka ndodhë është që ti vjen në një situatë ku prodhohen situata të këtilla që ti hin ne zgjedhje parlamentare dhe rrezikon të mbetesh pa asnjë lloj deputeti, pra kjo është edhe pasojë e mungesës së një plani dhe programi nga ana e qeverive, sepse po ti kishim pasur këto të gjitha nuk do të kishim ardhur në këtë situatë”, ka thënë Kamberi në Tëvë1.
