Më shkollën “Naim Frashëri”, në Prishtinë, u mbajt festivali i matematikes, pasi këtë të enjte po shënohet edhe dita e numrit PI.
Mbi 20 shkolla u mblodhën në këtë vend, në Ditën e Matematikës, për të ekspozuar punimet që lidhen me këtë shkencë.
Detaje në lidhje me këtë festival dha, arsimtarja e matematikës në shkollën “Naim Frashëri”.
“Kjo është parapa që më tregu rendësin e matematikës në vendin tonë, ky është një manifestim që mbahet dhe është shënuar si dita ndërkombëtare e numri PI, siç e dini edhe Enstein e ka ditëlindjen sot. Kjo më tepër konsiderohet si një festival më tepër se një garë, thjeshtë të vlerësohet punimet me atraktive”, tha ajo.
Ani pse garë nuk pati, nxënësit presin që punimet e tyre të vlerësohen.
“Na dëshirojmë me zënë vendin e parë, jemi shkollë shumë e mirë, kemi punuar punime shumë të mira, jemi shumë të lumtur me nxënë vendin e parë”, tha Lis Aliu-nxënës në shkollën “Filip Shiroka”.
“Na kemi punuar punime të ndryshme, prej materialeve të ndryshme duke përfshirë dizajnë, prej dritave metaleve drurit. Kemi punuar shumë, meqenëse edhe shkolla jonë po e mbanë festivalin”, shprehet Dea Grajçevci, nxënës i shkollës “Naim Frashëri”.
Në këtë festival përveç nxënësve të pranishëm ishin edhe përfaqësuese të institucioneve të cilët folën për rendësin e matematikës.
Po ashtu nxënësit performuan edhe disa pika artistike.
Në fund u bë edhe ndarja e çmimeve për punimet me kreative.
