Përfaqësuesja e Lartë e Bashkimit Evropian për Punë të Jashtme dhe Politikë të Sigurisë, Kaja Kallas te premten po zhvillon vizitë në veri të vendit.
Ajo fillimisht ka vizituar Gjykatën Themelore në veri të Mitrovicës, raporton Tëvë1.
Bashkë me të është edhe i dërguari i BE-së për dialogun Kosovë –Serbi, Peter Sorensen dhe shefi i zyrës së BE-së në Kosovës Aivo Orav.
Në takim është edhe Albert Zogaj kryesues i Këshillit Gjyqësor të Kosovës.
Kallas të enjten ka zhvilluar darkë punë me kryeministrin në detyrë, Albin Kurti dhe krerët e partive opozitare.
Ajo ka bërë thirrje për formim të institucioneve si dhe ka njoftuar se ka filluar në mënyrë graduale heqja e masave ndaj Kosovës.
