Deputetja nga Aleanca për Ardhmërinë e Kosovës, Time Kadrijaj, vlerësoi se kryeministri i vendit, Albin Kurti, po i ik marrëveshjes finale me Serbinë.
Prandaj, Kadrijaj përgjegjëse për ndonjë marrëveshje eventuale të pafavorshme për Kosovën e bën Qeverinë Kurti.
“Albin Kurti po i ik edhe marrëveshjes finale. Kurti me taktikë i ka bërë të gjitha këto zhvillime vetëm për t’i ikur marrëveshjes finale. Unë ende nuk i kuptoj cilat janë qëllimet e Kurtit. Këta si Qeveri nuk duhet t’u ikin përgjegjësive, sepse në këtë çështje duhet të jemi të gjithë së bashku. Fokusi duhet të jetë te marrëveshja. Nëse kjo marrëveshje do vijë e keqe, është falë kësaj Qeverie”, tha Kadrijaj në emisionin “Ditari” në Tëvë1.
Madje, Kadrijaj theksoi se Qeveria në pushtet është më jotransparentja që nga pas lufta, përfshirë këtu çështjen e dialogut dhe çështje tjera.
“Me vazhdimin e kësaj qeverisje, po i sjell vetëm dëm Kosovës”, shtoi Kadrijaj./teve1.info/.
