Procesi i numërimit të votave në Qendrën e Numërimit dhe Rezultateve (QNR) ka përfunduar plotësisht, përfshirë edhe komunën e Mitrovicës së Jugut.
Tashmë pritet që Komisioni Qendror i Zgjedhjeve (KQZ) të shpallë rezultatet përfundimtare.
Gazetarja në teren e Tëvë1, Fëllënza Krasniqi ka bërë të ditur se procesi është zhvilluar gjatë ditës së sotme nën mbikëqyrjen e përfaqësuesve të subjekteve politike dhe dy hetuesve policorë të caktuar nga Prokuroria Themelore në Mitrovicë, pas vendimit për rifillimin e numërimit të ndërprerë të hënën për shkak të dyshimeve për manipulim me fletëvotime.
Nga KQZ është bërë e ditur se pas përfundimit të verifikimeve të fundit dhe procedurave teknike, rezultatet përfundimtare të raundit të dytë pritet të shpallen gjatë ditës së sotme.
