Portieri Michele Di Gregorio pritet të jetë përforcimi i parë i Juventusit në afatin kalimtar të verës, ka njoftuar të premten “Gazzetta dello Sport”.
Bëhet e ditur se Juventusi tashmë ka arritur marrëveshje si me portierin ashtu edhe me skuadrën e Monzas, e cila do të zyrtarizohet me të përfunduar edicioni aktual.
26-vjeçari do t’i bashkohet Juventusit për 15 milionë euro dhe me ekipin nga Torino do të firmos kontratë deri në vitin 2029 me pagë vjetore prej 2 milionë eurosh.
Di Gregorio këtë edicion ka regjistruar 30 paraqitje në Serie A për Monzan, ekip me të cilin ka kontratë deri në vitin 2027.
Tek Juventusi kanë vendosur për këtë lëvizje pasi polaku Wojciech Szczeesny pritet të largohet këtë verë pasi ka refuzuar rinovimin e kontratës që i skadon në vitin 2025.
Po ashtu, në verë nga Juventusi do të largohet edhe portieri i dytë, Mattia Perin.
