Mbrojtësi i krahut të majtë, Carlos Augusto, pritet të jetë përforcim i parë i Juventusit në afatin kalimtar të verës. “Tuttosport” raporton të mërkurën se Juventusi tashmë ka arritur marrëveshje personale si me futbollistin ashtu edhe me Monzan, ekip që posedon kartonin e tij.
Mësohet se Juventusi do të paguajë 10 milionë euro për Auguston, i cili me ekipin e ri do të firmos kontratë pesëvjeçare dhe do të zyrtarizohet muajin tjetër.
24-vjeçari këtë edicion ka treguar paraqitje të mira dhe ishte ndër mbrojtësit më të vlerësuar të krahut në Serie A.
Në 33 ndeshje të luajtura, ai ka shënuar 6 gola dhe ka bërë 5 asistime. Augusto në vitin 2020 iu bashkua Monzas nga Corinthiansi dhe ka kontratë me ekipin italian deri në vitin e ardhshëm.
