Skuadra e Juventusit po insiston për t’i siguruar shërbimet e qendërmbrojtësit David Alaba, raporton “Tuttosport” të premten.
Madje, gazeta italiane shkruan se Juventusi tashmë i ka bërë ofertë zyrtare Real Madridit për futbollistin austriak.
Mësohet se Juventusi ka ofruar 40 milionë euro për Alaban, të cilin po dëshiron ta ketë në radhët e veta prej edicionit të ardhshëm.
30-vjeçari, i cili mund të luajë edhe si mesfushor, ka kontratë me Realin deri në verën e vitit 2026.
Këtë edicion, në 34 ndeshje të luajtura, Alaba ka kontribuar me 2 gola e 3 asistime.
Ai iu bashkua Realit si lojtar i lirë në vitin 2021, ndërsa karrierë ka bërë edhe te Bayern Munichu e Hoffenheimi.
