Trajneri i Juventusit, Luciano Spalletti ka marrë edhe një lajm të keq sa i përket lëndimit të futbollistëve.
Tani, Juventusi ka mbetur edhe pa kapitenin Manuel Locatelli, i cili patjetër duhet ti nënshtrohet operimit pas lëndimit të gjurit që e pësoi në derbin kundër Milanit.
Rikthimi i Locatellit në fushë nuk do të ndodhë deri në vitin e ardhshëm pasi mesfushori nuk do të rikuperohet për të paktën tre muaj.
Mungesa e Locatellit bën edhe më të vështirë situatën në mefushën e Juventusit në start të kampionatit, ku në tri ndeshjet e para në Serie A, ka regjistruar dy fitore dhe një barazim.
Locatelli bëhet lojtari i tretë që nuk do të jetë në dispozicion të trajnerit Spalletti deri në vitin e ardhshëm pas Kenan Yildizit e Kephren Thuramit, që janë operuar dhe kanë nisur fazën e rikuperimit.
Ndeshjen e radhës në kampionat, Juventusi e luan të dielën mbrëma në udhëtim te Sassuolo, në kuadër të xhiros së pestë.
