Skuadra e Juventusit është e detyruar të transferoj një mbrojtës në afatin kalimtar të janarit, ndërsa listës i prinë reporezentuesi i Kombëtares së Shqipërisë, Ardian Ismajli.
Lëndimi i Gleison Bremerit që pothuajse ka humbur sezonin, ka lënë zbrazëti në mbrojtjen e Juventusit dhe drejtuesit e klubit tashmë kanë nisur punën për të intervenuar në këtë repart.
Mediumet italiane raportojnë të martën se Ismajli po shihet si përforcim i duhur për Juventusin, ekip që po monitoron edhe disa mbrojtës të tjerë.
Megjithatë, thuhet se Juventusi së shpejti do ta kontaktoj Empolin në lidhje me transferimin e Ismajlit, i cili këtë sezon po vlerësohet ndër mbrojtësit më të mirë në Serie A.
Ka disa ndeshje që skautët e Juventusit kanë përcjell nga afër Ismajlin si tek Empoli ashtu edhe te Shqipëria dhe tashmë po bëjnë gati ofertën për kartonin e tij.
28-vjeçari është pjesë e Empolit prej vitit 2021 kur iu bashkua nga Spezia, ndërsa këtë sezon ka regjistruar 9 paraqitje në kampionatin italian.
Ismajli ka kontratë me Empolin deri në fund të këtij sezoni, ndërsa kartoni i tij vlerësohet rreth 5 milionë euro.
Krahas Juventusit, në garë për shërbimet e Ismajlit është edhe skuadra e Interit.
