Manchester Unitedi po e sfidon Milanin për shërbimet e Ardon Jasharit, i cili pritet të largohet këtë verë nga Club Brugge.
Skuadra belge është e gatshme ta shesë Jasharin, të cilit tashmë i ka caktuar çmimin duke pasur parasysh interesimin e madh për kartonin e tij.
Brugge po kërkon 40 milionë euro, por një ofertë prej 35 milionë eurosh do të mjaftonte për transferimin e tij pasi Jashari ka kontratë deri në vitin 2029.
Milani ditë më parë ka ofruar 32 milionë euro për Jasharin por Brugge ka refuzuar dhe thuhet se Manchester Unitedi ka gati ofertën për ta mposhtur konkurrencën e ekipit italian për 22-vjeçarin.
Jashari verën e shkuar u transferua nga Brugge te Luzerni dhe shkëlqeu te skuadra belge në sezonin e tij të parë, duke shënuar 4 gola dhe bërë 6 asistime në të gjitha garat.
Situatën e Jasharit po e monitorojnë edhe Manchester City, Paris Saint-Germaini, Juventusi, Roma e Borussia Dortmundi.
