Adnan Januzaj në fund të sezonit aktual, do të jetë futbollist i lirë pasi kontrata i skadon me skuadrën e Sevillas.
Drejtuesit e klubit nuk kanë ndërmarrë asnjë hap në lidhje me rinovimin e kontratës së Januzajt, i cili nuk bën pjesë në planet e klubit për të ardhmen.
Klubi nga La Liga ka njoftuar Januzajn për vendimin, dhe tani sulmuesit të krahut është në kërkim të një ambienti të ri.
Në fakt, Januzaj kishte probleme me lëndimet këtë sezon kurse në pesë ndeshjet e fundit në kampionat nuk është përdorur fare nga trajneri Luis Garcia Plaza.
31-vjeçari këtë sezon ka vetëm 13 paraqitje për Sevillan në të gjitha garat, duke shënuar dy gola në kuadër të Kupës së Spanjës.
Januzaj është pjesë e Sevillas prej vitit 2022 dhe sipas të gjitha gjasave, sezonin e ardhshëm do të kthehet në Belgjikë për të luajtur me Anderlechtin.
