Pasi u konfirmua mungesa e tij te Kombëtarja e Shqipërisë për duelet me Serbinë e Jordaninë për shkak të lëndimit, mbrojtësi Ardian Ismajli ka nisur fazën e rikuperimit.
Ismajli edhe pse ishte ftuar nga selektori Sylvinho për grumbullimin e tetorit nuk ia doli mbanë për shkak të lëndimit që e pësoi javë më parë.
Ai u dëmtua në humbjen e Torinos nga Parma 2:1 në kuadër të kampionatit italian dhe u detyrua të largohet nga fusha në fund të takimit.
Shkaku i lëndimit, Ismaji mungoi edhe në barazimin 3:3 ndaj Lazios, ndërsa te Torino po presin që ai të jetë gati menjëherë pas ndeshjeve të kombëtareve.
Mediumet italiane kanë raportuar se Ismajli pritet të jetë gati për ndeshjen që Torino e luan në shtëpi kundër Napolit më 18 tetor, në kuadër të xhiros së shtatë të kampionatit italian.
