Skuadra e Empolit do të jetë edhe këtë vikend pa Ardian Ismajlin, në përballjen kundër Napolit që luhet të hënën në kuadër të xhiros së 31-të në Serie A.
Ismajli nuk është rikuperuar ende nga lëndimi, shkaku i të cilit i mungoi Empolit në tri ndeshjet e fundit në të gjitha garat.
Në fakt, Ismajli nuk është aktivizuar në tetë prej dhjetë ndeshjeve të fundit që Empoli i ka luajtur në kampionat dhe Kupën e Italisë.
Megjithatë, mbrojtësi i Kombëtares së Shqipërisë pritet të rikthehet në fushë më datën 20 prill kurse Empoli do të përballet në shtëpi me Venezian në javën e 22-t të kampionatit italian.
28-vjeçari këtë sezon ka treguar paraqitje të mira tek Empoli, ku edhe e ka bartur shiritin e kapitenit dhe në total ka 26 ndeshje të luajtura në të gjitha garat.
Ai pritet të largohet nga Empoli në fund të sezonit kur edhe i skadon kontrata, ndërsa karrierë në Itali ka bërë edhe te skuadra e Spezias.
