Me ftesë të presidentit të ShBA-së, Donald Trump, udhëtoi për në Davos.
Presidentja e vendit, Vjosa Osmani me të arritur në Forumin Ekonomik Botërorë, nënshkroi edhe marrëveshjen për tu bërë pjesë e Bordit të Paqës të cilën e themeloi vet presidenti amerikan.
Por, ftesë të tillë nuk mori presidenti i Serbisë, Aleksandër Vuciq, ndonëse i njëjti po qëndron në Davos të Zvicrës.
E për këtë, ish-deputeti i partisë së Vuçiq në Kuvendin e Serbisë, Dragan Sormaz thotë se presidenti amerikan, Donald Trump nuk bisedon fare me Aleksandër Vucicq, sipas tij, Vuciq nuk ka mbajtur asnjë premtim që i ka dhënë ShBA-së.
“Vuçiqi është mënjanuar nga administrata e Trumpit, siç kam thënë një vit më parë. Trumpi flet me të gjithë ata që kanë qenë pranë Maduros, por jo me Vuçiqin. E me Vuçiqin nuk flet për shumë arsye. Në fillim të fushatës ai (Vuçiq) ka bërë ndërlidhje që krejt familja e tij janë të korruptuar, e as nuk di si të bëjë politikë të jashtme. Të ju kujtoj, Vuçiqi nuk ka bërë gjë nga marrëveshja që ka nënshkruar pranë Trumpit atëherë, përfshirë mbylljen e dialogut me Kosovën, e që është njohja e Kosovës. Vuçiqi nuk e ka përmbushur këtë. Ka kërkuar që rrjeti elektrik në Serbi të hapet e jo të marrim krejt nga Rusia, që ambasada të zhvendoset në Jerusalem, e asnjërën nuk e ka bërë. Vuçiqi e ka humbur pozitën e tij, është në një situatë rënie edhe në Serbi, në botë asgjë nuk përfaqëson”, deklaroi Vuçiq.
Sormaz për Tëvë1 thotë se Vuciq do të ketë probleme të mëdha me Shtetet e Bashkuara të Amerikës.
“E shihni edhe në Davos ai futet me etiketën e mysafirit nëpërsalla, edhe i shtyn gazetarët e tij ta fotografojnë, dhe vetëm atyre u jep intervista. Ndërkohë z. Kurti ishte te Shtëpia e Amerikës, e zonja Osmani ishte pjesë e paneleve. Vuçiçi u jep intervista vetëm mediave që ka marr me vete. Sipas informatave të mia, Vuçiqi do të ketë shumë probleme me SHBA-të. As nuk ka filluar dialogu strategjik, është e qartë që ka probleme, e këto janë probleme në lidhje me Kosovën dhe çështjen shqiptare”, deklaroi ai.
Sipas tij, Kosova ka vepruar mençur duke nënshkruar marrëveshjen për t’u bërë pjesë e bordit të paqes.
“Marrëdhëniet e Kosovës janë përmirësuar me BE-në e SHBA-të. SHBA-të janë superfuqia më e madhe, dhe është hap i mençur i Kosovës për të pranuar ftesën e tyre. Nuk kam ndonjë mendim për këtë ide të Trumpit, që besoj se do të zgjasë deri sa të jetë ai president”.
Tëvë1 ka dërguar pyetje edhe në Shtëpinë e Bardhë për të marrë një përgjigje rreth nënshkrimit të marrëveshjes midis Kosovës dhe ShBA-së për Bordin e Paqës, dhe mos ftesën për Aleksandër Vuciq për tu bërë pjesë e këtij bordi, por deri në publikim e kronikës, nuk kanë kthyer përgjigje.
