Modeli i ri i iPad Air është duke ardhur dhe, sipas “Digitimes”, bëhet fjalë për iPad Airin me ekranin më të madh. Është raportuar se Apple do ta shpaloste një iPad të ri javën e shkuar, por ky doli të mos ishte lajm i saktë. Në vend të kësaj, Apple lansoi një version të ri të lapsit “Apple Pencil”.
“Digitimes” ka raportuar se Airi i ri mund të ketë ekran 12.9-inç të madh në diagonale, që afron me iPad Pron.
Po ashtu është raportuar se iPad Pro i ri mund të arrijë vitin e ardhshëm me ekran rreth 13-inç. Po ashtu pritet ndryshime edhe në teknologjinë që përdoret në ekranin e iPadit të gjigantit Apple. Kjo pajisje nuk pritet të lansohet sivjet.
