Mesfushori i Polonisë, Piotr Zielinski prej sezonit 2024/25 do të jetë pjesë e kampionit të Italisë, Interit.
Zielinski është prezantuar të shtunën tek Interi, ekip me të cilin ka firmosur kontratë deri në verën e vitit 2028.
30-vjeçari i është bashkuar Interit si lojtar i lirë pasi në fund të muajit të shkuar i skadoi kontrata me skuadrën e Napolit.
Zielinski e njeh mirë futbollin italian pasi karrierën si profesionist e ka nisur tek Udinese për të vazhduar tek Empoli dhe pastaj te Napoli, ekip për të cilin luajti tetë sezone dhe fitoi një titull kampioni dhe një kupë të Italisë.
Në total, Zielinski ka regjistruar 363 paraqitje në kampionatin italian ku ka realizuar 42 gola dhe ka bërë 49 asistime.
Ai gjithashtu është edhe reprezentues i Polonisë dhe në 93 paraqitje ka shënuar 12 gola.
