Superylli argjentinas, Lionel Messi ka gjasa të mëdha të jetë pjesë e Inter Miamit edhe pas përfundimit të Kampionatit Botëror 2026.
Bëhet e ditur se drejtuesit e skuadrës amerikane po bëjnë gati kontratën e re për Messin, të cilin duan ta mbajnë përtej vitit 2025.
Kontrata aktuale e Messit skadon në fund të vitit të ardhshëm, ndërsa me kontratën e re, 37-vjeçari do të ishte pjesë e Inter Miamit deri në dhjetor të vitit 2026.
Messi iu bashkua Inter Miamit në verën e vitit 2023 si lojtar i lirë dhe këtë sezon ka realizuar 21 gola dhe ka bërë 11 asistime në 22 paraqitje në të gjitha garat.
Aktualisht, Messi është kapiten i Inter Miamit, ndërsa para se të zhvendosej në SHBA, argjentinasi ka bërë karrierë në Evropë te Barcelona dhe Paris Saint-Germaini.
