Skuadra e Interit edhe zyrtarisht ka caktuar çmimin për mesfushorin e Kombëtares së Shqipërisë, Kristjan Asllani.
Për ta lënë të lirë Asllanin këtë verë, Interi po kërkon 20 milionë euro, duke pasur parasysh se 23-vjeçari nuk bën pjesë në planet e klubit.
Asllani po pëlqehet nga Fiorentina, Real Betisi e Bologna, ekip që për kartonin e tij ka ofruar 13 milionë euro.
Tek Interi po shpresojnë të marrin ofertë zyrtare për Asllanin, i cili ka kontratë me ekipin italian deri në verën e vitit 2028.
Asllani është pjesë e Interit prej vitit 2022 kur iu bashkua nga skuadra e Empolit, ndërsa ka edhe 33 ndeshje të luajtura me Kombëtaren e Shqipërisë.
