Ylli i dikurshëm i Barcelonës dhe Kombëtares së Spanjës, Andres Iniesta, ka vendosur t’i jap fund karrierës në futboll.
40-vjeçari është pa ekip prejse u largua në verë nga Emirates Club i Emirateve të Bashkuara Arabe.
Bëhet e ditur se Iniesta vendimin e tij për t’i thënë lamtumirë futbollit aktiv, do ta bëjë publik javën e ardhshme.
Në fakt, këtë do ta bëjë publike më datën 8 tetor kurse si lojtar ka një karrierë të bujshme.
Ai debutoi me ekipin e parë të Barcelonës në vitin 2002 pasi u zhvillua si lojtar në akademinë La Masia të klubit spanjoll.
Përgjatë 16 vjetëve te Barcelona, ku regjistroi 674 paraqitje dhe kontribuoi me 57 gola e 135 asistime, Iniesta fitoi hiq më pak se 32 trofe.
Iniesta ka fituar nëntë herë titullin e kampionit në La Liga, katër herë Ligën e Kampionëve dhe shumë gara tjera në nivel klubesh.
Gjithashtu, ai kishte suksese të mëdha edhe me Spanjën, për të cilën ka 131 ndeshje dhe 13 gola të shënuara.
Me fanellën e Spanjës, Iniesta e fitoi dy herë Kampionatin Evropian dhe një herë Botërorin.
Pas largimit nga Barcelona në vitin 2018, ai luajti pesë vjet në Japoni të Vissel Kobe përpara se të zhvendosej në Emiratet e Bashkuara Arabe, ku luajti për një sezon.
