I ftuar në emisionin “Këndi i Debatit”, ai tha se përderisa afatet po vijnë duke u limituar, marrëveshjet mes Kosovës dhe Serbisë nuk janë duke u zbatuar.
“Ardhja e tyre këto ditë fillimisht e Lajçak e edhe e Escobar sot dhe parashikimet ose paralajmërimet për një ardhje të re të Escobar janë në linjë fillimisht me rrjedhën negative të kohës, për çka sigurisht se afatet po vijnë duke u limituar dhe marrëveshjet nuk janë zbatuar. Dhe potencialisht mund të ketë tensione të reja për çka sigurisht se palët lëhtësuese nuk do të ishin të themi të gatshëm për t’u përballuar edhe njëherë me atë skenarin që e patëm para një kohe”, tha ai.
Tutje sipas Imerit, Kosova ka ardhur në një kohë kur fillimisht duhet të sanojë veprimet e njëanshme apo çfarëdo veprime të tjera të cilat sipas tij, s’do të tensiononin raportet mes të dyja vendeve.
“Pra kemi ardhë në një kohë kur fillimisht duhet të sanohen veprimet e njëanshme ose cilado veprime që do të mund të tensiononin raportet edhe ashtu të tensionuara dhe me gjasë nuk do të merret kush më me çështjen e targave e as të energjisë, por presioni gradualisht do të fillojë drejt përmbylljes sa më të shpehtë të negociatave”, tha ai. /teve1.info.
