Mesfushori me tipare sulmuese, Arijon Ibrahimoviq është shpërblyer për paraqitjen e tij të fundit me fanellën e skuadrës së Heidenheimit.
Heidenheimi triumfoi 3:1 në udhëtim te Kolni, ndërsa Ibrahimoviq në këtë fitore kontribuoi me një gol dhe një asistim.
Kështu që, Ibrahimoviq ka zënë vend në formacionin e xhiros së 33-të në Bundesligës, falë paraqitjes së mirë ndaj Kolnit.
20-vjeçari Ibrahimoviq, është njëri prej dy lojtarëve të Heidenheimit që kanë zënë vend në ekipin më të mirë të javës.
Heidenheimi po lufton për mbijetesë në Bundesligë, ndërsa Ibrahimoviq ka shënuar 2 gola dhe ka bërë 4 asistime në 31 ndeshje kampionale.
Ai para fillimit të këtij sezoni është huazuar tek Heidenheimi nga Bayern Muncheni, ekip me të cilin ka kontratë deri në vitin 2027.
Ibrahimoviq ka luajtur edhe për Frosinonen e Lazion në Itali, ndërsa Heidenheimi ka opsionin e blerjes së tij për 6 milionë euro këtë verë.
