Kryetari i Asociacionit të Komunave të Kosovës, Sazan Ibrahimi, thotë se komunat rrezikohen që të mos zbatojnë projekte kapitale në vitin 2025 dhe mbylljen e xhirollogarive të tyre.
Ibrahimi akuzon Qeverinë e Kosovës se nuk është duke i përkrahur komunat sa i përket zbatimit të kontratës kolektive.
“Qeveria e Republikës së Kosovës nuk është duke i përkrahur komunat sa i përket zbatimit të kontratës kolektive dhe me këtë rast komunat rrezikojnë që të mos kenë mjete për investime kapitale, që t’iu mbyllen xhirollogaritë bankare dhe që shumë projekte të parapara me buxhetet komunale të mos zbatohen. Kjo vije si pasojë e neglizhencës së Institucioneve qendrore të cilat për disa vite nuk janë duke i marrë parasysh kërkesat e komunave”, tha Ibrahimi.
Ai tha se vetëm përgjatë muajit janar e shkurt, disa komunave iu kanë shkuar faturat mbi 35 milionë euro.
“Që në fillim të këtij viti vetëm disa komunave iu kanë shkuar faturat mbi 35 milionë euro, ku mbi 25 milionë euro janë borxh ndaj përfituesve, ndërsa mbi 10 milionë euro janë tarifat për përmbaruesit e që me një vendim të Qeverisë apo Parlamentit të Republikës së Kosovës kjo gjakderdhja financiare që është mbi 10 milion euro të deritanishme mund të ndalohet”, tha ai.
“Në vijim po i paraqesim vetëm disa komuna që kanë pranuar vetëm në vitin 2025 faturat për zbatim të kontratës kolektive;
- Ferizaj 9.5 milionë euro,
- Prizreni 5.5 milionë euro,
- Lipjan 3.8 milionë euro,
- Malisheve 2.6 milionë euro,
- Rahovec 2.1 milionë euro,
- Viti 2.1 milionë euro,
- Mitrovicë, 1.7 milion euro,
- Skenderaj 1.6 milion euro,
- Kaçanik 1.5 milion euro,
- Gjakova 1.4 milion euro,
- Suhareka 1.3 milion euro”.
Murati: Mbi 100 milionë euro dëmi buxhetor nga lëndët përmbarimore ndaj komunave
