Mesfushori i Kombëtares së Shqipërisë, Ylber Ramadani, ka bërë më së shumti kilometra këtë sezon në Serie A.
Lojtari që luan për skuadrën e Lecces, po kalon një formë të shkëlqyer në ligën italiane, dhe statistikat flasin vetë. Sipas një postimi në faqen zyrtare të Instagram-it, Serie A ka publikuar një listë me lojtarët që kanë vrapuar më së shumti këtë sezon, dhe Ramadani është renditur i pari me 115.9 km, duke lënë pas emra si Di Lorenzo dhe Karlström.
Sot pritet të publikohet lista e lojtarëve nga Federata Shqiptare e Futbollit për ndeshjet e nëntorit , dhe thirrja për mesfushorin Ramadani është e pritur pas paraqitjeve të tij të shkëlqyera te skuadra e Lecces.
