Destinacion kishte Indonezinë.
Por misioni i tij në këtë vend aziatik, ishte goxha i veçantë.
Çeki Hoti, krejt këtë udhëtim e bëri vetëm që ta takoi vajzën e ëndrrave.
Madje edhe mënyra se s’i udhëtoi në këtë vend të largët nuk ishte e zakontë.
I riu nga Prizreni bëri mbi 10 mijë kilometra me biçiklete, deri në Indonezi.
“Ka pas shumë ndryshime sepse ndryshe kur e planifikon prej Kosovës, e kur arrin të vendi ka gjëra ndryshe, por të paktën unë jam feju me at çiken qe e kam pas n’jetë, por me u martu jo ende”, shprehet ai.
Por ani se e arriti qëllimin, misionin s’e ndali.
31 vjeçari që tashmë ka arritur në Francë, i ka vënë vetës një tjetër qëllim.
Të fejuarës indoneziane, dashurinë do t’ia shprehë nëpër botë.
“Kur kam mbërri në Indonezi e kam kuptuar se mundem me vazhdu prapë të bëjë diçka me të madhe, dhe jam duke e vazhduar udhëtimin me biçiklete, ta shkruajë në 5 kontinente I love you. Tash jam në Evropë, kam me shku në Afrikë, Amerikë Latine, dhe përfundimi është në Australi”, thotë Hoti për Tëvë1.
E rrugëtimi që nisi, thotë se s’është hiç i lehtë, meqë duhet para e vend për strehim.
“Për akomodim është pak vështir në Evropë sepse është e jashtëligjshme me vendos tendën, po rri në xhami ose kishë apo të ndonjë shok sepse në Evropë ka rregulla të mëdha”, shprehet ai.
Sfidë në krejt këtë rrugëtim, thotë se e ka edhe orientimin.
“Google maps nëpër Evropë është shumë e keqe sepse me ka ngatërruar shpeshherë, së paku dy herë në ditë, po shoh aplikacione tjera, po i pyes edhe njerëzit se a jam në rregull sepse nuk po mundem me u varë vetëm në aplikacione”, thotë Hoti.
E misionin e tij, planifikon ta përfundoi për 2 vjet e gjysmë.
Veçse destinacionin final ku synon ta kaloi jetën, se ka Kosovën por ndonjë vend tjetër që i përshtatet jetesa.
