Kryetari i Komunës së Gjilanit, Alban Hyseni ka njoftuar se objekti i vjetër i Stacionit të Autobusëve është rrënuar dhe në vend të tij do të ndërtohet i riu.
Hyseni ka thënë se kjo do të shënojë një epokë të re për transportin në qytetarin e Gjilanit.
Ai po ashtu ka treguar se objekti i ri i Stacionit të Autobusëve në Gjilan, kapë vlerën e investimeve rreth 1 milion euro.
“Objekti i Stacionit të Autobusëve në Gjilan, kapë vlerën e investimeve rreth 1 milion euro. Ky projekt do ta transformojë këtë hapësirë në një qendër moderne dhe funksionale për udhëtarët dhe transportuesit vendës e të huaj”, ka thënë Hyseni./teve1.info/
