Një aksident trafiku me fatalitet ka ndodhur sonte më 17.03.2026 rreth orës 21:10 në rrugën “Azem Bejta” në Skenderaj, ku një këmbësor ka humbur jetën.
Sipas konfirmimit nga zëdhënësi i Policisë për rajonin e Mitrovicës, Avni Zahiti, në aksident janë përfshirë një veturë dhe një këmbësor.
Si pasojë e goditjes, viktima M.L. rreth 74-vjeçar ka ndërruar jetë në vendin e ngjarjes.
Drejtuesi i automjetit është shoqëruar në stacion policor për procedura të mëtejme.
Njësitet relevante policore, përfshirë hetuesit e aksidenteve të trafikut, kanë dalë në vendin e ngjarjes dhe po zhvillojnë hetime për të sqaruar shkaqet dhe rrethanat e aksidentit.
