Deputeti i pavarur, Fatmir Humolli, thotë se kur po flitet për koordinim me bashkësinë ndërkombëtare, kjo po keqkuptohet me dëgjueshmëri.
Ai shton se partneriteti është një shkallë tjetër me dëgjueshmërinë.
“Opozita po thotë koordinim, prapë është lexim i gabuar. Koordinim po thotë me e dëgju çka të thojnë. Kjo nuk është koordinim kur i thua ‘dëgjoje se çka po thotë’. Nëse i thua veç me qenë i dëgjueshëm, atëherë qite pozicionin e shtetit tënd që je një shtet i dëgjueshëm. Po nëse thua një shtet po ndërtoj për me qenë partner me dikë, atëherë partneriteti është një shkallë tjetër”.
Sipas Humollit është gabim që e tërë bashkësia ndërkombëtare të quhet ‘partner’ në mënyrë unike.
“Dhe Kosova e ka vlerësu gabimisht dhe e quan ‘mik’ ose ‘partner’ një bashkësi ndërkombëtare në mënyrë unike. Bashkësia ndërkombëtare nuk është unike. Brenda shteteve të NATO-s i kemi detyru me luftë me çu gisht me bombardu Serbinë. Kur e shoh unë nga këndi im, qysh ka mujtë me çu gisht Franca, Greqia, Spanja me bombardu Serbinë. Në kuptimin politik ka qenë dashtë me analizu menjëherë atë veprim se ata ose kanë reflektu, kanë ndryshu qasje në raport me shqiptarët ose e kanë një strategji që punojnë në interes afatgjatë për Serbinë. Praktika ka tregu se pjesën veriore të Serbisë e kanë shkaktu po këtë aleatë strategjikë të Serbisë”, ka thënë Humolli në InfoNata në Tëvë 1.
