Drejtori i Përgjithshëm i Policisë së Kosovës, Gazmend Hoxha ka pritur sot në takim ambasadorin e misionit të OSBE-së, Michael Davenport.
Me këtë rast, ambasadori Davenport uroi Hoxhën për emërimin e tij, dhe të dy u zotuan për vazhdimin e mëtejmë të bashkëpunimit ndërmjet PK-së dhe OSBE-së, përcjell teve1.info
“Me këtë rast u pohua se kontributi dhe mbështetja e OSBE-së për Policinë e Kosovës që nga themelimi i saj ka qenë kruciale, si në aspektin e trajnimit të zyrtarëve policorë deri në ngritjen e kapaciteteve profesionale policore në përgjithësi”, bëhet e ditur në njoftim.
