Sipas tij rezoluta 1244 e Kombeve të Bashkuara nuk përputhet me realitetin që është tani në Kosovë.
“Nuk ka logjikë më ajo rezolutë. UNMIK-u nuk e ka misionin që e ka pasur në atë kohë, ftojmë OKB-në ta ndryshoj atë. Ka shumë gërshetime në mes të UNMIK-ut dhe OSBE-së”, u shpreh Hoxha
Ai po ashtu ka përmendur edhe sulmet që janë bërë në këtë vit ndaj Policisë së Kosovës.
Në mbledhjen e sotme të Këshillit të Sigurimit të Organizatës së Kombeve të Bashkuara, edhe diplomati amerikan në OKB Robert Wood, tha se UNMIK-u e ka tejkaluar misionin siç i ishte shkruar në mandatin fillestar dhe se takimet e Këshillit të Sigurimit të OKB-së s’kanë nevojë të mbahen çdo 6 muaj, por se duhet të reduktohen në çdo 1 vit.
Ambasadori Hoxha ka folur edhe për problemin e pronave dhe adresave të shqiptarëve në Luginë të Preshevës dhe ka ftuar Serbinë të respektojë të drejtat e njeriut.
