Ambasadori amerikan në Kosovë, Jeff Hovenier vlerëson se zbatimi i marrëveshjes mes Kosovës dhe Serbisë, është vendimtar për zhbllokimin e së ardhmes së Kosovës.
Në një postim në Twitter, ai ka theksuar se do të sigurohen që Kosova ta zë vendin e saj të merituar në institucionet evropiane, përcjell teve1.info
“Zbatimi i kësaj marrëveshjeje është vendimtar për zhbllokimin e së ardhmes së Kosovës. Ne do të vazhdojmë të qëndrojmë me popullin e Kosovës për të realizuar një nga prioritetet tona kryesore, të përbashkëta: të sigurohemi që Kosova të zë vendin e saj të merituar në institucionet evropiane dhe euroatlantike”, ka shkruar Hovenier.
Në takimin e së shtunës në Ohër, kryeministri i Kosovës, Albin Kurti dhe presidenti serb, Aleksandar Vuçiq janë dakorduar për marrëveshjen e propozuar nga BE, por nuk arritën ta nënshkruajnë zyrtarisht. /Teve1.info/
Implementation of this agreement is critical to unlocking Kosovo's future. We will continue to stand with the people of Kosovo to realize one of our key, shared priorities: ensuring that Kosovo takes its rightful place in European and Euro-Atlantic institutions. https://t.co/1pw6eg0nKs
— Ambassador Jeff Hovenier (@USAmbKosovo) March 20, 2023
