Deputeti i partisë së Lidhjes Demokratike të Kosovës, Avdullah Hoti, i është kundërpërgjigjur ministrit të Bujqësisë, Faton Pecit, duke thënë se i kanë djegur shifrat zyrtare që i ka publikuar gjatë ditës së stome.
Hoti e ka quajtur Pecin të fortë në zanatin e tij të sharjeve ndaj kundërshtarëve politik, raporton teve1.info
Deputeti përmes një postimi në Facebook ka thënë se e vërteta dhemb, por e çliron njeriun.
“E vërteta dhemb, por e çliron njeriun. Mashtrimet nuk kalojnë. Mos u ngut. Sharjet nuk t’i kam borxh as unë dhe as partia ime”, ka thënë Hoti.
Tutje, ai e ka pyetur Pecin, se çfarë do të bëjnë të hënën në Bruksel, ku do të mbahet takimi mes Kosovës dhe Serbisë.
“Me këtë rast, dëshiroj të të pyes: Çfarë po bëni të hënën në Bruksel? A kalon apo nuk kalon…. ZAJEDNICA?!”, ka pyetur Hoti.
Në mëngjesin e sotëm, ish-kryeministri Hoti e kishte kritikuar ministrin e Bujqësisë, Faton, Pecin, të cilit i kishte thënë se e kishte paralajmëruar se do të dëmtohen bujqit nëse nuk rritet mbështetja e Qeverisë për ta.
