Duke folur për Asociacionin, avokati, Taulant Hodaj vlerëson se partnerët ndërkombëtarë qysh në fillim nuk do të lejojnë draft statute të cilat nuk do të miratohen në Gjykatën Kushtetuese të Kosovës.
Në një lidhje direkte në “Info Nata” në Tëvë 1, ai theksoi se marrëveshja e 2013 për Asociacionin është e keqe.
Hodaj u shpreh se Bashkimi Evropian dhe Shtetet e Bashkuara të Amerikës do të propozojnë një draft që do të jetë i pranueshëm.
“Ne i dimë anët e secilës palë. Ata pretendojnë që do të kenë një Asociacion me kompetenca ekzekutive, ndërsa Kosova e ka të kundërtën. Duke i parë pritjet e gjithsecilës palë, mendoj që implementuesi apo fasilituesi, Bashkimi Evropian, i mbështetur nga SHBA, do t‘i mbikëqyr dhe do të propozoj një draft i cili pak a shumë do të jetë i pranueshëm. Nëse jo në herën e parë, të paktën Gjykata Kushtetuese të mos gjejë shumë shkelje, por të jap vetëm disa vërejtje, në mënyrë që herën e dytë të jetë komplet si Asociacion në suaza të Kushtetutës të Kosovës dhe marrëveshjet që janë arritur me Serbinë deri më tani”, deklaroi ai.
Avokati Hodaj shtoi se “Kosova nuk duke të frikësohet nga modelet e ndryshme që ekzistojnë në BE” për Asociacionin. /Teve1.info/
