Ambasadori amerikan në Beograd, Christopher Hill, ka thënë sot se ka ardhur momenti kyç kur duhet të pritet që diçka të ndodhë sa i përket zbatimit të marrëveshjes ndërmjet Kosovës dhe Serbisë.
Megjithatë kjo sipas tij nuk do të jetë e lehtë.
“Sa i përket marrëveshjes së Ohrit dhe marrëveshjeve të tjera, për asnjë moment nuk thashë se është diçka e lehtë dhe se do të jetë e lehtë, por mendoj se kemi arritur një moment kyç në kuptimin që duhet të presim që diçka të ndodhë në aspektin e zbatimit” tha ai shkruan tanjug, përcjell teve1.info.
Ai shtoi se momenti është i vështirë, por se atë e konsideron plot shpresë dhe se pret zbatim në të ardhmen.
