Një burrë është gjetur pa shenja jete në banesën e tij mbrëmjen e së shtunës në Mitrovicë të Veriut.
Sipas raportit 24-orësh të Policisë së Kosovës, në vendin e ngjarjes kanë dalë njësitë policore dhe ekipi mjekësor, të cilët kanë konstatuar vdekjen e viktimës.
Me urdhër të prokurorit të rastit, trupi i pajetë është dërguar në Institutin e Mjekësisë Ligjore (IML) për obduksion, ndërsa rrethanat e vdekjes janë duke u hetuar.
