Ministrja në detyrë e Drejtësisë, Albulena Haxhiu ka thënë se shpreson që deri të enjten të ketë reflektim nga opozita dhe Nenad Rashiq të votohet për nënkryetar të Kuvendit.
Ajo ka thënë se sot ishte mundësia që të konstituohet Kuvendit dhe të largohet Lista Serbe nga kryesia e Kuvendit.
“Sot kishte mundësi që dita të përmbyllej me dy lajme të mira. Konstituimi i Kuvendit dhe largimi i përfaqësuesit të Listës Serbe nga Kryesia e Kuvendit. Por fatkeqësisht, opozita nuk pati as vullnetin dhe as guximin e nevojshëm. Për vetëm gjashtë vota më shumë, z. Nenad Rashiq do të ishte zgjedhur nënkryetar i Kuvendit. Shpresoj që deri të enjten të ketë reflektim opozitar. Duke e ditur që kryeterroristi Milan Radoiçiq është kryetar formal i Listës serbe, le të përbashkohemi për Kosovën dhe sidomos për nder të heronjve tanë, si Enver Zymberi dhe Afrim Bunjaku”, ka shkruar Haxhiu.
Konstituimi i Kuvendit nuk ndodhi as të martën, pasi nuk u votua nënkryetari i Kuvendit nga komuniteti serb.
Lista Serbe propozoi, Sllavko Simiq i cili nuk mori votat e mjaftueshme nga deputetët pas tri tentimve. Ndërsa, as të propozuarit përmes shortit nga kjo parti nuk morën votat e mjaftueshme.
Edhe Nenad Rashiq nga ky komunitet që u vetpropozua për nënkryetar nuk arrit të marrë mbështetjne e nevojshme.
