Ministrja e Drejtësisë, Albulena Haxhiu, e cila sot dështoi sërish që të zgjidhet kryetare e Kuvendit të Kosovës, tha se nga seanca e sotme pas aktgjykimit të Gjykatës Kushtetuese qytetarët e Kosovës e morën vesh se bllokuesit e Kuvendit janë opozitarët.
Ajo tha se emri i dytë i propozuar për kryetare ishte i Donika Gërvalles me arsyen që është gruaja e dytë më e votuar nga zgjedhjet e shkurtit.
“Situata është si kristal e qartë, është e pastër dhe besoj që qytetarët e Kosovës e kanë ditur këtë, por sot edhe njëherë e kanë edhe më të qartë qëndrimin dhe përpjekjet dëshpëruara të opozitës për ta mbajtur peng Kuvendin dhe për të mos lejuar konstituimin e Kuvendit”, tha ajo.
